MOCHILAS VIAXEIRAS

 

MOCHILAS VIAXEIRAS

 

    Con moita ilusión, hoxe votan a andar, un ano máis, as mochilas viaxeiras cargadas de libros e materiais que esperamos desfrutedes en familia.

Unha actividade de fomento da lectura enmarcada dentro do Proxecto Lector de Centro que irán de casa en casa con lecturas para compartir con ilusión nais, pais, fillos e fillas.

Entregaranse ao alumnado os venres e terán que ser devoltas o xoves da semana seguinte.

Os obxectivos que se perseguen con esta actividade son:

-         Dar a coñecer diversos tipos de libros.

-   Posibilitar a igualdade de oportunidades de información e formación para todo o alumnado.

-         Fomentar a responsabilidade e o coidado polos materiais.

-         Favorecer e mellorar o hábito lector do alumnado.

Para levar a cabo esta actividade, dun xeito efectivo e motivador, necesitamos que non a vexades como deberes senón como un xeito de compartir, gozar os libros e a lectura en familia. Para que actividade sexa máis enriquecedora, dentro da mochila, tedes o “Caderno viaxeiro” para que deixedes escritas as vosas impresións, suxestións, un debuxo, unha poesía, un conto ou todo aquilo que se vos ocorra. Non esquezades escribir o nome do alumno/a.

Agardamos que compartades con nós algunha as vosas vivencias.

Artigo de Xulio Dobarro sobre o noso festival de cine publicado en Badal Novas

 Moitas grazas pola túa xenerosidade, Xulio!!!

Entrega de penso

 O pasado 17 de xuño fixemos a entrega de penso para a protectora Arume. Recadamos en total 477 quilos!!!

Curtametraxes

 As curtametraxes presentadas a concurso no IV Festival de Cine do colexio poden verse facendo clic nas seguintes imaxes:

Listaxe de premios:

Arracadas

 Xa está publicado en formato dixital o novo volume da nosa revista literaria. Todo o alumnado do colexio recibiu esta mañá, coma pasou con cada unha das revistas anteriores, un exemplar en papel. Parabéns polo gran traballo feito! A desfrutar da lectura dos vosos relatos e traballos!

Xurado do noso IV Festival de Cine

 O próximo martes entregaremos os premios do IV Festival de Cine do CEIP Virxe da Pena da Sela. Os galardóns que se darán serán os de mellor película, unha mención especial á segunda mellor curta, mellor actriz, mellor actor, mellor actriz secundaria e mellor actor secundario. O insigne xurado que decidirá quen merece cada premio estará formado polas seguintes persoas, a quen agradecemos a súa colaboración de corazón:

• Xulio Dobarro. Autor do libro O Irixo. Patrimonio cultural.

 

• Rosa Fuentes. Membro da ANPA do centro.

•  Loli López. Orientadora do colexio

•  María José Villanueva. Bibliotecaria do concello de O Irixo.