Mochilas viaxeiras

 Hoxe entregamos a segunda quenda de mochilas viaxeiras.

 

Obradoiro de "lettering"

 Hoxe fixemos a primeira sesión dun obradoiro sobre lettering (caligrafía) no espazo Maker da biblioteca. Participou parte do alumnado de 3.º e 4.º. Os próximos mércores 14, 21 e 28 o alumnado do resto de primaria que queira apuntarse poderá tamén participar nalgunha das sesións que quedan pendentes.

 

Novas quendas horario biblioteca

 

Mochilas viaxeiras

 Este venres repartimos as primeiras mochilas viaxeiras deste curso escolar. Todas levan libros en galego, castelán, inglés, de consulta (sobre animais, plantas, ciencia...), de poesía, de música, para as familias do alumnado, unha revista e, como novidade, un xogo didáctico.

 

Maleta viaxeira ciencias

 O xoves recollemos a maleta viaxeira de ciencias. Ten 46 libros e 3 películas. Esta semana xa está desfrutando dela o alumnado de 6.º. A partir da próxima semana a maleta irá ao resto de aulas de primaria para que o alumnado poida ler os libros sobre ciencia durante as horas de ler.

 

Quendas do alumnado voluntario

 

Maletas viaxeiras

 As maletas viaxeiras son recursos bibliográficos temáticos escollidos pola Asesoría de Bibliotecas Escolares. Cada maleta contén unha selección de materiais agrupados arredor dunha temática concreta (lectura, banda deseñada, matemáticas, ciencias, poesía, lingua estranxeira, etc.). A finalidade destas maletas é o apoio á dinamización da biblioteca escolar, o fortalecemento de plans de lectura do centro e a ampliación das lecturas e das actividades didácticas vinculadas a temas transversais ou curriculares.

Este curso imos utilizalas nas aulas de primaria para dinamizar a hora de ler. O próximo martes o grupo de 6.º será o primeiro que poida desfrutar da Maleta de Ciencias Primaria, que está composta por 51 libros e 3 películas. As seguintes semanas a maleta irá pasando polo resto das aulas.

Listaxe de libros.