Programa de man do IV Festival de Cine do colexio

 

Carteis das curtametraxes participantes no IV Festival de Cine do colexio

   

       

 

Entrega diplomas

 Os participantes no programa de Voluntariado de Lectura-A (todo o alumnado de 5º e 6º) recibiron este venres un diploma e un agasallo en recoñecemento polo seu labor ao longo de todo o curso. O colexio xa premiara a súa dedicación ao regalarlles un libro que seleccionaran previamente entre unha listaxe na que figuraban algún dos mellores títulos da literatura infantil e xuvenil.

Cuña protectora Arume

 Daniel, María e María José participan no programa de Voluntariado de Lectura-A do colexio. É unha iniciativa que forma parte do programa de Bibliotecas Escolares Solidarias. Como parte desta iniciativa gravaron esta cuña para promover a nosa campaña de recollida de penso para a protectora Arume. Xa levamos máis de 300 kilos recadados en menos de tres semanas!!!

Día das Letras Galegas

 Onte celebramos o Día das Letras Galegas no pavillón do colexio. Todas as aulas cantaron e bailaron un rap en galego. A maiores, tamén representamos dous dos Contos ó teléfono que escribiu Rodari, e que foron traducidos pola autora homenaxeada este ano polas Letras Galegas: a poetisa Xela Arias.

  

Presentación do libro "O Irixo. Patrimonio cultural" de Xulio Dobarro

 Esta semana tivemos a honra de recibir ao profesor Xulio Dobarro que presentou o seu libro O Irixo. Patrimonio cultural na biblioteca do noso colexio. Parabén e moitas grazas, Xulio!!!

Entrega libros

  O alumnado de 5º e 6º forma parte do programa de Voluntariado de Lectura-A. Encárgase do servizo de préstamo na biblioteca e colabora ademais colocando os libros de forma ordenada nos andeis. O colexio regaloulle libros a susodito alumnado, que escollera previamente entre unha listaxe dos mellores libros de literatura xuvenil, como agradecemento polo seu traballo altruísta.