O venres 13 de febreiro celebraremos o Día Internacional da Muller e a Ciencia no colexio (a data oficial da celebración é o 11 de febreiro). Quen queira poderá vir disfrazado de científica ese día. A maiores, proxectaremos os vídeos dos experimentos que faga o alumnado na casa. Publicaremos os que recibamos ata o 11 de febreiro. Temos varios libros no colexio sobre experimentos. Podedes ver os que publicamos os cursos anteriores nesta ligazón.
A Consellería acaba de enviarnos bolsas que solicitamos para que o alumnado de 4 e 5 anos poida utilizalas cando colla libros para levar a casa na biblioteca do colexio.
O xoves pasado celebramos a primeira reunión do club de lectura de adultos deste curso na cafetería Merey de O Carballiño, na que falamos da obra dramática de Lorca Bodas de sangre e da situación das mulleres en España na obra, na época na que está situada a peza de Lorca e na actualidade. Moitas grazas a todas as nais e profesoras que asistiron á reunión!
